South Wales Hotels and Days Out. Visit Rhondda Cynon Taf - a South Wales Valleys Destination

Disgrifiad

Dewch â’ch plant am ddiwrnod o hwyl a sbri yng nghanolfan chwarae Rumble in the Jungle. Does dim man chwarae dan do i’w churo yn Rhondda Cynon Taf!

Does dim ots beth yw’r tywydd – caiff eich plant ddiwrnod i’r Brenin yn ein 10,000 o droedfeddi sgwâr o gyfleusterau chwarae. Gyda help ein criw cyfeillgar ni, bydd hi’n ddiwrnod i’w gofio!

Dyma rai o’r cyfleusterau:

· Ffrâm chwarae fawr 3-lefel

· Man neilltuol i blant bach, gyda phwll peli anferth

· Arena pêl-droed / pêl-fasged

· Tair ystafell barti wych ar gyfer eich holl anghenion parti penblwydd.

· Caffi sy’n paratoi bwyd poeth ac oer, byrbrydau, a diodydd, drwy’r dydd.

Man cyffyrddus lle gall yr oedolion ymlacio, wrth i’r plant fwynhau mâs draw mewn amgylchedd chwarae diogel, glân, a chyffrous.

Rydym ni’n croesawu plant o’u geni hyd at 12 oed. Mynediad AM DDIM i oedolion ac i fabanod dan flwydd.

Ydy’r plantos yn eich gyrru chi’n benwan? Dewch i Rumble in the Jungle a gadael iddyn nhw fynd yn wyllt

Mynediad

Bydd hi’n ddigion hawdd i chi ddod o hyd i ni. Taith 15 munud ydyn ni o Gyffordd 34 ar y M4. Dilynwch yr A4119 i Donypandy, heibio‘r goleuadau traffig ger tai Barrett newydd Parc Gellifaelog. Dilynwch yr arwyddion i Gwm Clydach a swyddfeydd y Cyngor. Ar Ystad Ddiwydiannol Hen Lofa’r Cambrian mae Rumble in the Jungle, ddrws nesaf i ddepo casglu Swyddfa’r Post.

>
View Larger Map